Bu qərar Avropaya zərbə olacaq - Qruşko
26.12.2019
ABŞ-ın Açıq Səma Anlaşmasından çıxması Avropanın təhlükəsizliyinə zərbə olacaq.
Bu sözləri Rusiya Rusiya Xarici İşlər nazirinin müavini Aleksandr Qruşko deyib.
"Biz milli maraqlardan irəli gələn qərar qəbul edəcəyik. İstənilən halda deyə bilərik ki, bu qərar Avropanın təhlükəsizinə növbəti zərbə olacaq”, - deyə Qruşko bildirib.
Diplomat vurğulayıb ki, Vaşinqton sazişdən çəkilməsi ilə bağlı Rusiya tərəfinə hər hansı bildiriş göndərməyib:
"Lakin biz müxtəlif nöqtələrdən eşidirik ki, bu saziş Vaşinqtonun maraqlarına cavab vermir”.
Qeyd edək ki, "Vol Strit” jurnalı ABŞ Prezidenti Donald Trampın ölkəsinin sözügedən sazişdən çıxması ilə bağlı müvafiq sənədi imzaladığını iddia edib.
