Çin ABŞ-a sanksiyalar tətbiq etdi - Səbəb
02.12.2019
Çin ABŞ hərbi gəmi və təyyarələrinin Honkonqa daxil olması ilə bağlı Ağ Evin müraciətinə baxmaqdan imtina edib.
Bunu Çin Xarici İşlər Nazirliyinin rəsmi nümayəndəsi deyib.
Məlumata görə, Pekin, həmçinin, bir neçə ABŞ qeyri-hökumət təşkilatına da sanksiya tətbiq edib. Siyahıda İnsan Hüquqlarına Nəzarət (Human Rights Watch), Milli Demokratiya İnstitutu (NDİ) və Azadlıq Evi (Freedom House) də yer alıb. Pekinin bu addımının Vaşinqtonun Honkonq qanununa cavab olduğu vurğulanıb.
Çin sanksiyaların ləğvinin ABŞ-ın addımlarından asılı olduğunu bildirib.
Qeyd edək ki, Vaşinqton bundan öncə Honkonqdakı situasiya ilə bağlı iki qanun imzalayıb.
