Türkiyə bu maddənin satışına qadağa qoydu
29.11.2019
Türkiyədə 11 nəfərin ölümünə səbəb olan sianid turşusunun satışı qadağan edilib.
Xəbər verildiyi kimi, bu ilin noyabrında iki həftə ərzində həmin kimyəvi maddədən üç ailənin üzvləri zəhərlənərək ölüblər. Təkcə bir ay ərzində sianid turşusu içərək intihar edənlərin sayı 11 nəfərdir.
Qeyd edək ki, suda həll olan, rəngsiz, maye şəklindəki sianid turşusu ölümcül zəhərlənməyə səbəb ola bilir. Bu maddədən əsasən bitkilərin gübrələnməsində, tekstil-boyaq müəssisələrində, dezinfeksiya xassəli məmulatların hazırlanmasında istifadə edilir./azərtac/
