ABŞ-ın “Bağdadinin öldürülməsi” tamaşası - Rus ekspert
01.11.2019
İŞİD lideri Əbubəkr Bağdadinin öldürülməsi rejissoru ABŞ olan bir teatr tamaşasıdır.
Bu sözləri Rusiyanın "Po suti dela” verlişi zamanı canlı yayımda Yaxın Şərq üzrə ekspert Nikolay Starikov deyib.
Onun sözlərinə görə, belə bir şounu biz Əl-Qaidə terror təşkilatının lideri Üsamə Bin Ladenin öldürülməsi zamanı da görmüşdük.
"ABŞ öz ssenari xəttindən əl çəkmir. Yenə "dəhşətli” bəyanatlar, "təhlükəli” əməliyyat və "gizli” məqamlar dolu missiya. Bizdə daha dürüst dəlillər var ki, İŞİD-ə ABŞ sponsorluq edir. Necə ki əvvəllər Əl-Qaidə Vaşinqtonun himayəsi altında idi. Bu danılmazdır. Əlimizdə faktlar, sübutlar var”, - deyə ekspert bildirib.
O qeyd edib ki, əslində Bağdadinin ölməsi ilə bağlı bir dənə də olsa, kəsərli dəlil yoxdur.