Avtomobilə odlu silahdan atəş açıldı - Bakıda
29.10.2019
Bakı şəhəri, Sabunçu rayonunda odlu silahdan atəş açılıb.
Report-un xəbərinə görə, axşam saatlarında Ramana qəsəbəsində qəsəbə sakini Mustafayev Ceyhun Cümşüd oğlu idarə etdiyi 99 TD 045 qeydiyyat nişanlı "Hunday" markalı avtomobillə hərəkətdə olarkən odlu silahdan açılan atəş səsi eşidilib. Məlum olub ki, naməlum şəxsin silahdan açdığı atəş zamanı güllə təsadüfən C.Mustafayevin avtomobilinin sol tərəfinə dəyib.
Faktla bağlı Sabunçu Rayon Polis İdarəsi və 12-ci Polis Şöbəsinin əməkdaşları əməliyyat axtarış tədbirləri aparır.
