Azərbaycanın ən yaşlı icra başçısı istefaya gedir
24.10.2019
Prezident İlham Əliyevin kadr islahatı və dövlət postlarında gənclərin önə çəkilməsi istiqamətində atdığı addımlar ölkədə yaşlı məmurların istefasını gündəmə gətirdi.
Artıq Prezident Administrasiyasının rəhbəri, akademik Ramiz Mehdiyev də daxil olmaqla yaşlı məmurlar vəzifələrindən uzaqlaşdırılır. Həyata keçirilən kadr islahatları yaşı 70-ci keçmiş icra başçılarının da istefasını aktuallaşdırıb.
Xəbər verildiyi kimi, Azərbaycanda ən yaşlı məmurlardan biri Xaçmaz rayonunun icra başçısı Şəmsəddin Xanbabayevdir. 1939-cu ildə anadan olan Ş.Xanbabayevin 80 yaşı var. O, 2004-cü ildən Xaçmaz rayonunun icra başçısı vəzifəsində çalışır.
