Məşhur opera müğənnisi VƏFAT ETDİ
01.05.2018
SSRİ xalq artisti, Türkmənistanın tarixində ilk dəfə Avropa opera partiyalarının ifaçısı Maya Quliyeva 98 yaşında Aşqabadda vəfat edib.
"Dövran Media"nın məlumatına görə, müğənni ötən gün axşam saatlarında yaşadığı mənzildə dünyasını dəyişib.
Maya Quliyeva 1941-ci ildə P.İ.Çaykovski adına Moskva Dövlət Konservatoriyasını bitirib. Həmin ildən Türkmənistanın Mahtumqulu adına opera və balet teatrında işləyib.
1955-ci ildə SSRİ xalq artisti fəxri adına layiq görülüb.
2008-ci ildə Türkmənistan Prezidenti Qurbanqulu Berdiməhəmmədov tərəfindən Altyn Aу qızıl medalına layiq görülüb.
