Putin Ərdoğanı Rusiyaya dəvət etdi
16.10.2019
Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında telefon danışığı olub.
Bu barədə Türkiyə Prezident Administrasiyasının Rabitə İdarəsi məlumat yayıb.
Bildirilib ki, liderlər ikitərəfli münasibətlər, regional məsələlər ətrafında fikir mübadiləsi aparıblar.
R.T.Ərdoğan deyib ki, Türkiyə Silahlı Qüvvələrinin Suriyanın şimalında apardığı "Barış pınarı” əməliyyatı terrorla mübarizəyə, Suriyanın ərazi bütövlüyünün qorunmasına, bu ölkədə siyasi tənzimləmə prosesinə öz töhfəsini verəcək.
Kremlin mətbuat xidmətinin məlumatında isə bildirilib ki, V.Putin türkiyəli həmkarını yaxın günlərdə Rusiyaya işgüzar səfərə dəvət edib.
