Berlin Avropanı ABŞ-la mübarizəyə qaldırır
04.10.2019
Avropa Birliyi ABŞ-ın AB mallarına qarşı tətbiq edəcəyi əlavə rüsumlara cavab verməlidir.
Bunu "Funke” media qrupuna müsahibəsində Almaniya Xarici İşlər naziri Hayko Maas deyib.
"ABŞ AB-nin qarşılıqlı qəbul ediləcək qərar təklifini rədd edib və bunun yerinə qarşıdurma yolunu seçib. Biz bunu doğru hesab etmirik. Belə ki, bunun dəyərini Atlantikin hər iki tərəfindəki işçilər və istehlakçılar ödəyirlər”, – deyə o bildirib.
Qeyd edək ki, ABŞ bundan öncə AB-dən olan bir sıra təsərrüfat və sənaye mallarına, o cümlədən AB-də istehsal olunan təyyarələrə əlavə rüsum tətbiq edəcəyini açıqlayıb.
