Onlar sentyabrın 16-da görüşəcəklər
13.09.2019
Sentyabrın 16-da Türkiyə, Rusiya və İran prezidentləri Rəcəb Tayyib Ərdoğan, Vladimir Putin və Həsən Ruhani arasında görüş keçiriləcək.
APA-nın xəbərinə görə, Ankarada baş tutacaq görüşdə Suriya böhranı müzakirə olunacaq. Zirvə görüşündə Suriyanın İdlib, Menbiç bölgələrində, Fərat çayının cənubunda gedən proseslərlə bağlı fikir mübadiləsi aparılacaq.
Ərdoğan daha sonra Rusiya və İran prezidentləri ilə ikitərəfli görüşlər keçirəcək.
Görüşlərdən sonra mətbuat konfransı təşkil olunacaq.
Qeyd edək ki, yaxın zamanlarda İstanbulda Türkiyə, Rusiya, Fransa və Almaniya dövlət başçılarının iştirakı ilə daha bir sammit keçirilməsi planlaşdırılır.
