Şagirdlər mobil telefondan istifadə edə bilərmi?
06.09.2019
Tədris ilinin başlama ərəfəsində bəzi məsələlər yenidən müzakirə olunmağa başlayıb.
Xəbər verildiyi kimi, bunlardan biri şagirdlərin məktəbə telefon aparması məsələsidir.
Bəzi valideynlər övladlarından istədikləri vaxt xəbər ala bilmək üçün onların məktəbə telefon aparmalı olduğunu düşünür. Lakin telefonların uşaqların diqqətini yayındırdığını nəzərə alsaq, mübahisəli məsələ yaranır.
Məktəblərdə şagirdlərin mobil telefonlardan istifadəsinə icazə verilirmi?
Təhsil Nazirliyindən Oxu.Az-ın sorğusuna cavab olaraq bildirilib ki, ümumtəhsil məktəblərində mobil telefondan istifadə ilə bağlı rəsmi qadağa yoxdur:
"Lakin tədris prosesi zamanı istifadəyə yol verilmir".
