Simeonedən Qrizmannla bağlı açıqlama
06.08.2019
İspaniyanın "Atletiko" klubunun baş məşqçisi Dieqo Simeone "Barselona"ya transfer olunan Antuan Qrizmannla bağlı açıqlama verib.
49 yaşlı mütəxəssis, fransalı futbolçunun Kataloniya klubuna keçidi haqqında danışıb:
"Bu 5 il ərzində Qrizmann klub tarixində ən çox qol vuran 5 futbolçudan biri oldu. O, klubdan ayrılması ilə bağlı mənimlə danışmaq üçün gələndə, artıq hər şeyi hiss etmişdim. Düşünürəm ki, o, özünü inkişaf etdirmək üçün ən doğru zamanı axtarırdı. O, gənc, istedadlı, çox sevdiyim futbolçudur. Bu sevgini qorumağın ən yaxşı yolu isə hörmət etməkdir.
Qrizmann gələndə, hücumçu deyildi, son cinah futbolçusu idi. Mən onu hücumçu kimi oynadanda, hər kəs onu geridə oynatmağımı deyirdi. Amma o, sürətlidirsə, mərkəzdə və başla yaxşı oynaya bilirsə, yaxşı zərbələri varsa, niyə cinahda oynamalıdır?".
