Türk ordusu hərbi əməliyyatlara başlayıb - İraqda
13.07.2019
Türkiyə Müdafiə Nazirliyi İraqın şimalında yerləşən terrorçulara qarşı "Pəncə-2” adı altında hərbi əməliyyatlara başlayıb.
Dövran Medianın "Anadolu" agentliyinə istinadən verdiyi xəbərə görə, bu barədə Türkiyə Müdafiə Nazirliyi məlumat yayıb.
Bildirilib ki, "Pəncə-2” hərbi əməliyyatları İraqın şimalında yerləşən Hakurk bölgəsində terrorçuların gizləndikləri mağara və sığınacaqlar məhv edilənə qədər davam edəcək.
Əməliyyatlar helikopterlər, qırıcılar və pilotsuz uçuş aparatlarının iştirakı ilə davam edir.
