Əsəddən qohumuna QADAĞA
22.05.2020
Dəməşq məhkəməsi "Syriatel” şirkətinin rəhbəri, prezident Bəşər Əsədin qohumu Rami Mahlufun ölkəni tərk etməsinə qadağa qoyub.
Bu məlumatı Suriya Dövlət Televiziyası yayıb. Məhkəmə bu qərarı Suriya telekommunikasiya tənzimləyicisinin qaldırdığı vəsatət əsasında qəbul edib. Belə ki, Mahlufun şirkətinin maliyyə borcu olduğu və onun təcili ödənilməsi tələb olunub.
Ərəb mətbuatı Mahufun dövlətə 334 milyon dollar borcunun olduğunu iddia edib. Mahluf bu borcun yarısını verə biləcəyini söyləyib və Əsəddən bunun üçün şirkətin ləğv edilməməsini xahiş edib.
Qeyd edək ki, "Syriatel” Suriyanın ən böyük mobil operatorudur. O, bazarın 70%-nə nəzarət edir.
