01 04 2020-cu il Bakı 10 ℃
DM RADİO
Onlİne xəbər
01/04/2020
31/03/2020
30/03/2020
29/03/2020
27/03/2020

Korrupsiya əməllərinə görə ömürlük həbs

18.01.2020

Çinin Daxili Monqolustan Muxtar Rayonunun sabiq vəzifəli şəxsi 170 milyon yuan (24,7 milyon ABŞ dolları) məbləğində korrupsiya əməllərində təqsirli bilinərək ömürlük azadlıqdan məhrum edilib.
Bu barədə qərarı muxtar rayonun Bayannur şəhərinin xalq məhkəməsi çıxarıb.
Məhkəmə prosesində Hohhot şəhərinin iqtisadi və texnoloji inkişaf zonasının icraçı sədrinin müavini işləmiş Bay Hayçuanın vəzifəsindən sui-istifadə edərək fiziki və hüquqi şəxslərdən nağd pul və bahalı hədiyyələr formasında rüşvət alması, habelə dövlət vəsaitini mənimsəməsi faktları sübuta yetirilib.
Sabiq məmur məhkəmə prosesində qanunsuz əməllərini etiraf edib, rüşvət kimi aldığı əmlakı və pulu dövlətə qaytarıb. Məhkəmə onun şəxsi əmlakının müsadirə edilməsinə də qərar verib.