Erməni millətçi Moskvada rus gənclə görüşən erməni qıza hücum etdi - VİDEO
19.02.2020
Fevralın 15-də Moskvada kafelərin birində gənc oğlanla qıza qarşı hücum olub. Day.az xəbər verir ki, həmin kadrları "Tsarqrad" telekanlı yayımlayıb.
Kafedə istirahət edən iki tələbə gəncə erməni yaxınlaşaraq görüşmələrinə etiraz edib və bu barədə qızın atasına xəbər verəcəyini bildirib, atasının telefon nömrəsini tələb edib. Həmin ermənini özündən çıxaran isə o məqam olub ki, qız erməni, görüşdüyü oğlan isə rus millətindən olub.
Qız atasının telefon nömrəsini vermədikdə həmin şəxs masanın üzərindəki stakanı və salfetləri qıza doğru atmağa başlayıb. Bu halda qız izah etməyə çalışıb ki, onun anası rus, atası erməni əsillidir. Bu izahatdan sonra isə həmin erməni təhqirlərə keçərək onu "zibil" və "millətin üz qarası" adlandırıb.
Məlumata görə, həmin iki gəncə hücum edən şəxs ermənilərin "AspeT" millətçi qruplaşmasının lideri Adam Askoyan olub. Həmin qruplaşmanın 2019-cu ildə yaradıldığı qeyd edilir.