Ölümcül döyülən fenomen dünyasını dəyişdi
19.02.2020
Türkiyənin sosial media fenomeni Şehmuz Özdemir (18) dünyasını dəyişib.
Xəbər verildiyi kimi,Antalyada 14 yaşlı H.E. adlı qıza təcavüz etdiyi iddiası ilə onun atası və qardaşı tərəfindən döyülən, 3 gün öncə isə beyin ölümü gerçəkləşən "Ares” ləqəbli fenomen bu gün vəfat edib.
Qeyd edək ki, hadisə fevralın 4-də baş verib. Azyaşlı qızın atası V.E. və oğlu K.E. Aresi reklam razılaşması əldə etmək üçün görüşə dəvət edib və meşəlik əraziyə apararaq onu ölümcül döyüblər.
Faktla bağlı araşdırmaya başlayan polis Şehmuz Özdemiri döyənləri yaxalayıb. Onlar məhkəmədə verdikləri ifadələrində Aresin azyaşlı qızı təcavüz etdiyi əsnada çəkdiyi fotolarla şantaj etdiyini etiraf ediblər.
