Qapıçımız yeni rekorda imza atdı
29.09.2019
Yığmamızın qapıçısı Emil Balayev özünə məxsus olan rekordu yeniləyib.
"Tobol”un üzvü olan 25 yaşlı futbolçumuz Qazaxıstan "Jetisu” ilə dünən keçirilən Qazaxıstan çempionatının 28-ci turunun oyununda da (0:0) qapısını toxunulmaz saxlayıb. Bununla da onun ardıcıl qol buraxmadığı matçların sayı 8-ə çatıb.
Emil sonuncu dəfə iyulun 28-də "Kaysar”la ev matçında (0:2) qol buraxıb. Ümumilikdə o, 699 dəqiqədir çərçivəni toxunulmaz saxlayır. Balayev bununla cari mövsümdə özünə məxsus olan 683 dəqiqəlik rekordu yeniləyib.
Qazaxıstan çempionatları tarixinin rekordu isə Sergey Boyçenkoya məxsusdur. "Kayrat"ın sabiq qapıçısı 2005/06 mövsümündə 921 dəqiqə qol buraxmayıb.
